యజుర్వేదములోని 26 వ అధ్యాయం లోని 2 వ మంత్రం ఇలా చెప్తుంది. ' మానవులందరి కొరకు ఇహ పర సుఖాలను ఇచ్చే నాలుగు వేదాల సందేశాన్ని నేను చెప్తున్నట్లే మీరు కూడా అందరికీ చెప్పాలి ' .
స్వామి దయానంద సరస్వతి కృషి కారణంగా పంచమ వర్ణం అనుకునే వారికి కూడా వేదాధికారం,యజ్ఞాధికారం వుందని అందరికీ తెలిసింది.
వేదం చెప్పిన ఓం నమశ్శివాయ , ఓం నమో నారాయణాయ అనే మంత్రాలను గురువులు అన్ని కులాల వారికి బొధించారు.
యజ్ఞోపవీతాన్ని అందరూ ధరించవచ్చని,అచరణాత్మకంగా చూపించిన దయానందుడు, వివేకానందుడు అందరికీ ఆదర్శం.
చాందొగ్యోపనిషత్తు లో వేశ్యా పుత్రుడైన సత్య కామ జాబాలి కి వేద విద్యను గ్రహిస్తాడు..అదే ఉపనిషత్తులో 'జనశృతి ' అనే శూద్రుడు రైక్వుడనే ఋషి నుండి వేద విజ్ఞానాన్ని పొందుతాడు.పుట్టుక తో కాదు గుణం వల్ల ఏర్పడుతుందని ఉపనిషత్తులు చెప్పాయి.
సత్యం, దానం,ఓర్పు, శీలం,అహింస , తపస్సు, దయ గల వారందరూ ఎవరికి పుట్టినా వారంతా బ్రాహ్మణులే నని ధర్మరాజు , సర్పరాజైన నహషుడికి చెప్తాడు.
క్షత్రియుడిగా పుట్టి, విశ్వామిత్రుడు బ్రాహ్మణుడయ్యాడు.
చండాలుడైనా మాతంగుడు ఋషి అయి,శబరి ని చేరదీసి, రాముడికి దగ్గర చేశాడు.
ఇలా ఎన్నో ఉదాహరణలు ఇతిహాసాల్లొ కనిపిస్తాయి.
- అప్పాల ప్రసాద్.
వేదాలు, ఉపనిషత్తుల నిండా సమరసతనే
ReplyDelete