సమరసతా సమభావం పాట

పాటను ఇక్కడ డౌన్లోడ్ చేయండి.

సమరసతా సమభావం - సుమధుర బంధనం

వివేకుని సందేశం - ఆనంద చందనం

దేహమే దేవాలయంగా - దీనులను ఆరాధిద్దాం

దేశమంతా కలుపుకుంటూ - భేదాలు తుడిచివేద్దాం

నిరుపేద ఇంటిలో -కడుపు నింపుదాం

నిర్భాగ్య జీవిలో - విశ్వాసముంచుదాం ..!!

సవర్ణులు,దళితులనే తేడాలేలా?

దురాచార వేదనలకు అంతే లేదా?

చీకటే క్రమ్మిందా - దూరమే పెరిగిందా

ప్రేమ పిలుపుతో -తేనెలొలుకుదాం

స్వార్థమే వచ్చిందా - అహమే పెరిగిందా

త్యాగమూర్తిలా - సేవచేయుదాం

ఎన్ని అడ్డంకులు వున్నా, అంతరాలు వున్నా

అన్నదమ్ములం,అందరమొకటై అల్లుకుపోదామా...!!  

ప్రతి హృదయం హాయిగ నవ్వే రోజులు రావాలి

ప్రతి మనిషి బ్రతుకులోన వెన్నెల కురవాలి

దు:ఖితులు వచ్చారా - పీడితులు వున్నారా 

అన్నార్తులందరూ - దైవరూపులే

మహనీయులొచ్చారా - మంచిమాట చెప్పారా

పరమ హంసలా - వివేకనందలా 

ఎన్ని అడ్డంకులు వున్నా, అంతరాలు వున్నా

అన్నదమ్ములం,అందరమొకటై అల్లుకుపోదామా...!!   

పాటను వీడియో రూపంలో ఇక్కడ చూడండి....

రచన: అప్పాల ప్రసాద్.

స్వరం: చక్రి.